Lo fragment d’un alairon d’avion, trobat la setmana passada sus l’illa de la Reünion, correspondriá al vòl MH370 de Malaysia Airlines, a aquel Boeing 777 que desapareguèt misteriosament en març de 2014. O afirmèt arser lo primièr ministre de Malàisia, Najib Razak, e las autoritats francesas diguèron elas qu’es fòrça probable. Lo fragment s’es analisat a Tolosa e l’enquèsta internacionala l’a coordenada lo Burèu Enquèsta e Accidents (BÈA) e l’an conducha d’expèrts malaisians e australians.
 
Razak s’engatgèt a determinar çò que se passèt de verai amb lo vòl MH370, que lo 8 de març de 2014 desapareguèt quand anava de Kuala Lumpur a Pequin, amb 239 personas a bòrd.
 
 
Luènh de l’endrech de la desaparicion
 
L’illa La Reünion es a una granda distància de l’airal de recèrca e en mai d’aquò son arribats d’autres accidents pus près d’aquel endrech ont foguèt trobada la partida de l’avion. En mai, lo vòl MH370 originàriament se dirigissiá vèrs Pequin, es a dire, la rota opausada cap a l’èst dempuèi Kuala Lumpur.
 
Un an e quatre meses après la desaparicion s’es pas localizat cap de pista ni cap de rèsta, fins ara.